екінші рет зақымдану ошағы

ядролық қарудың және басқа зақымдаушы құралдардың зақымдау факторлары әсерінен пайда болатын ошақ. Мыс., ядролық қару соққысы салдарынан мұнай өңдейтін және мұнай өндіретін кәсіпорындардағы сыйымдылықтар қираған кезде өрт шығып, жарылыстар болуы мүмкін, олар келтіретін зардаптың ауқымы сол қарудың тікелей зардабынан едәуір асып түседі. Химия кәсіпорындарында ядролық соққы салдарынан құбырлар мен ыдыстар қираған кезде адамдар уланып, айнала зақымдануы мүмкін, ал гидротехникалық құрылыстардың қирауы салдарынан елді мекендерді су басады. Е.р.з.о-ның пайда болуы құтқару жұмысының көлемін бірнеше есе арттырады және адамдардың көп шығын болуына әкеп соқтырады, қыруар экономикалық шығынға ұшыратады. Мұнда да зақым ошағындағы халықты құтқару шаралары жасалады.